Әр мемлекеттің мектептері туралы қызықты деректер

♦ Триместрден құралатын Жапониядағы оқу жылы сәуір айынан басталады. 20 маусымда алғашқы триместр аяқталып, балалар жазғы демалысқа шығады. 1 қыркүйек пен желтоқсан аралығында екінші триместр, ал қаңтар мен наурыз айларында үшінші триместр болады. Көктемгі бір апталық демалыстан кейін бір сыныптан екінші сыныпқа өту үрдісі жүреді. 

♦ Жапонияда мұғалім мамандығы тек ер адамдарға тән. Әйел адам ұстаздар өте аз.

♦ Көп Жапония мектебінде асхана болмайтындықтан, олар тамақты сыныпта отырып ішеді.

♦ Чехияда демалыс жаз бен қыс айларында болады. Жазғы демалыс 2 айға созылады.

♦ Еліміздегідей Чехияда да 2, 3, 4, 5 сынды бағалар қояды. Алайда олар үшін «5» – ең нашар, ал «2» – ең жақсы баға болып есептеледі.

♦ Чехияда бір мұғалім бірнеше пәнді жүргізеді. Мысалы, әдебиет пәнінің ұстазы дене шынықтыру сабағын да өткізеді. Ал келесі бірі чех тілі мен ән айтуды, химияны жүргізуі мүмкін.

♦ Финляндияда оқушыны өз еркінен тыс шақыруға болмайды. Оқушылардың кемшілігін өзге сыныптастарының көзінше айтуға тыйым салынады.

♦ Фин мектептерінде сыныпта бір сабақты екі ұстаз өткізеді. Олар – ұстаз бен оның көмекшісі.

♦ Финляндия мектептерінде әр сабақ аяқталған сайын оқушылар далаға шығып отыруы тиіс. Және жыл мезгілі мен ауа райына қарамастан міндетті түрде шығады.

♦ Куба мектептерінде жоғары сынып оқитын оқушылар белгілі бір мамандықты игере бастайды. Қалалық жерде оқитын оқушылар 5-7 аптаға ауылға барып жұмыс істейді.

♦ Швеция мектебінің директоры талантты оқушыны оқу жылы аяқталмастан келесі сыныпқа көшіре алады. Алайда міндетті түрде ата-анасының рұқсаты болуы тиіс.

♦ Қытай ЖОО-ларында сабақ небары 40 минутқа созылады.

♦ Қытайда балалар желтоқсан айының соңынан ақпан айының басына дейін демалыс болады. Бұл уақыт кезінде Жаңа жылды атап өтеді.

♦ Ирландияда 6-15 жас аралығындағы балалар міндетті түрде мектепке баруы тиіс.

♦ Норвегия мектептерінің оқушылары жасына қарай бірнеше топқа бөлінеді: бастауыш сыныптар, 14 жасар жасөспірімдер, 18 жастағылар. Осы жастарына сәйкес бөлек ғимаратта оқиды.

♦ Норвегия оқушыларына 8 сыныпқа дейін баға қоймайды.

massaget.kz

 

Comments:

Пікір үстеу

Э-пошта мекенжайыңыз жарияланбайды. Міндетті өрістер * таңбаланған